Fugl på visning.

Ser nesten ut som her er komen ein fugl som er interessert i husrom. Sist fredag var eg innom ein blomsterbutikk og der sat denne fine fuglen. Eg klarde rett og slett ikkje gå ut att uten å kjøpe den, synest den har so fine, gyldne fargar....

No sit den her til pynt framfor fuglehuset eg snikra....

Er visst i "fuglemodus" for tida....det må vere våren som er på veg, høyrer iallfall fuglesong kvar morgon no.
Ha det fint!

Positive ting...

Ei ny utfordring har dukka opp(FRÅ Monicas): Fortel 6 positive ting om deg sjølv.
Min fyrste tanke var at den berre hoppar eg over, rett og slett. Vanskeleg detta, synest eg, kan verke som sjølvskryt......og det vil ein no nødig.
Må innrømme at eg har fått hjelp av bonden og sonen.(juks?)....dei var igrunn lette å få i tale.....truleg sidan dei fekk so god sundagsmiddag i dag!
Her er mi positive liste:
1.Eg er flittig.

2. Når eg har "prosjekt" på gang er eg voldsomt engasjert.

3. Eg er flink å "ordne opp" i ting. (ifølgje Børge).

4.Eg er lett å samarbeid med.( meiner bonden).

5.Eg er standhaftig.

6. Eg er flink å hesje.

Ps. Bonden sa foresten at eg er snill òg........
Sender denne med glede vidare til:
Rosa univers
Livs
Lille meg
Tofo
Gamleheksa
Stubbetufsa
Ja, om dei vil ha den,då....
Ha ei ny,fin veke alle!

Det vårast......

Etter florsstellet i dag tidleg fekk eg verkeleg ei kjensle av at våren er i anmarsj.....fint ver og fuglane song (!)......måtte inn og hente ein kopp kaffi..setje meg ned og verkeleg nyte det.
Men det var berre 4 plussgrader so det var ikkje snakk om i sitje lenge ute.
Det minkar på snøen i bakkane....

Og det spirer......

Veit ikkje om det var fuglesongen som var grunnen, eg fekk iallfall ein idè om at i dag skulle eg snikre eit fuglehus. Men andre plikter kalla fyrst....som husarbeid. Bestemte meg for at no skal eg rydde, støvsuge og vaske i 2 timar....so skal eg gå i snikkarbua. Utruleg kor mykje ein får gjort på 2 timar når ein har noko kjekt å gle seg til å gjere etterpå... ..men det gjekk mange timar før eg fekk begynt med snikring.....handlast mat til helga, laga mat , lese litt i avisene osv. Det vart faktisk nesten kveld
før eg kom meg ut.....
Men fuglehus vart det: Med torvtak.......

Vert nok hangande ute til pynt.....men skulle det kom eit pip-pip-par som ser seg syn med det, vert det sjølvsagt ein ekstra bonus.

Ein god sundag i vente til alle!

Puter

Ein "ny" sofa må sjølvsagt få nye puter. Har hatt mange idèar i hovudet og prøvde ymse utføringar, men ikkje alt vart slik eg hadde tenkt.
Men nokon har då sett dagens lys.....
Har hekla ein del slike oldemorsruter som skal bli teppe. Tenkte eg kunne bruke nokon av dei til ei pute.


Har hekla saman ca 20 ruter til teppet, trur det vert fint.


Enklare kan det vel ikkje gjerast...ei av lin og ei av eit rutestoff frå Stoff og Stil.
Ikkje heilt fine fasong på desse, mangla innerputer og har berre stappa litt vatt inni førebels.
Må nok ein tur på Stoff og Stil snart (igjen). Er utruleg glad for at me har den butikken so nær, berre ein time med bil.


Takk for alle lukkeynskje ang. prøvespelinga til Børge.....det gjekk fint i går...han gjekk vidare til andre om gang og vart "godkjend" til opptak. MEN... det er slett ikkje sikkert han kjem inn.Det skal leggjast ein kabal: So mange på det instrumentet, so mange på det osv.
Uansett var det gledeleg at han bestod prøvene.
Ha ein fin fredag...snart helg!

Me kryssar fingrar, tær...

..og alt som kryssast kan i dag.







Yngstemann Børge er i Bergen for å prøvespele som opptaksprøve til Griegakademiet.
Fyrst er det teoriprøve klokka ti, deretter fyrste runde med speling klokka 14.30....dei som går vidare til andre runde skal spele att utpå kvelden ein gong.
Han er den fyrste som skal i elden.
Håpar so inderleg at han skal lukkast med spelinga..... so får det vise seg om det er godt nok ..........kan samanliknast med idrett detta. Ein skal ha "formen inne" og ha "dagen", ikkje
vera altfor nervøs osv.

Han har jobba iherdig mot målet med øving 3-4 timar for dagen i lang, lang tid.
MEN det er eit trangt nålauga...ti personar skal prøvespele på trompet, alle med same mål, sjølvsagt. Veit ikkje kor mange som kjem inn heller....kanskje berre ein.
Han har lova å ringe heim etter fyrste runde....då har han nok ein følelse av korleis det har gått.
So vert nok ho mor gåande meir so i ring det meste av dagen......
Mandag skal han foresten til Oslo for opptaksprøve på Musikkhøgskulen....spennande tider.

Ha ein god onsdag!

Mapper til bestikk.

Etter at eg var ferdig med sofaen var eg voldsomt ivrig på å sy nye puter. I leitinga etter stoff som passar dukka ein sokalla UFO opp. For lenge (veldig lenge, faktisk) sidan lovde eg å sy nokon mapper til bestikk som dottera mi ynskte seg. Mangla band lenge, men no var ikkje det noko unnskyldning lenger......
Dermed utsette eg putesyinga og gjorde ferdig desse:



Stoffet har eg kjøpt på Jysk...



I dag har eg vore og "overlevert" dei...og NO skal eg sy puter!
Ha ein super kveld!

Det STORE prosjektet...

S..er ferdig...Hurra!

Utgangspunktet var ein noko sliten sofa (ca 20 år gamal). Det var to alternativ: enten kassere den og kjøpe ny eller føreta det ein kallar ein makeover.

I slutten av januar reiste eg på Stoff og Stil, kjøpte ein heil rull(12 m) stoff av typen Lin Møbelstruktur + vatt, og sette i gong.

Prosjektet har teke tid.....men i dag er det fullført.

Limte fast to lag vatt før eg trekte om kvar pute.

Bonden måtte lage (varme opp og bøye) ei spesialnål å sy med......nokon stader der det var vanskeleg å kome til.

Kvart sting er sydd med hand...

Pris? Stoff + vatt + tråd = ca 2000,-

Godt å vere ferdig, neste prosjekt må bli nye sofaputer....no duger ikkje dei gamle lenger!

Ha ei god veke alle i hop!