Lamminga er i gang.....

....berre eitt lam førebels, men det er ikkje lenge før det er fullt "trøkk"......og me går ei travel tid i møte.

Oppturar og nedturar vert det garantert i år òg... Lussi og Tinka ynskjer den "nye" velkommen.......detta er stas!

Vil du vere med å feire????

I går kveld....sånn ca rundt klokka 22......passerte teljaren min 50 000 besøkjande. Sjølv køyrde eg heim frå jobb på den tid, so eg fekk ikkje med meg det nøyaktige tidspunktet, ikkje er det so viktig heller. Men iallfall......etter at teljaren kom igong, er det fantastisk høge talet passert.

Detta må feirast, og eg håpar riktig mange vil vere med.......for de skal veta at eg set umåteleg pris på alle kommentarar, berre positive, heldigvis......
Hadde sjølvsagt vore kjekt å visst kven de er, de andre som "berre" er innom òg..... (Bilda her er av ein gradestokk eg måla i fjor). Er snart 3 år sidan starten på detta...........og etter det har eg hatt 425 meir eller mindre "fornuftige" innlegg.

Blogginga, og kontakten med deko gjev meg so mykje glede og inspirasjon i kvardagen, at eg har ikkje tenkt å gje meg med det fyrste. Sjølsagt går det litt "opp og ned" med bloggelysta,alt etter tid og "dagsform"..........men det får so vere.....
REGLANE ER DEI "VANLEGE":

1 lodd: Kommentar på dette innlegget.
2 lodd: Om du linkar til meg.
3 lodd: Om du vert følgjar (Fint om du skriv kor mange lodd)
Og har du ikkje blogg, skriv gjerne ein kommentar likevel, so er du med, men eit namn må stå under.......
Gevinsten?? Er ikkje heilt klar endå, men det vert noko heimelaga og "påskete".......
Frist: Onsdag 13. april. Velkommen skal du vere......og god sundag i vente!

Resteskål.....

.....av garnrestane etter påskehanane. Strikka, og tova på 60 grader, passar fint påskegodteri....... Her ser du snøhaugen som ligg att nedom huset, her hakkar eg litt laust kvar dag.....vil gjerne ha den vekk, so eg kan få sett opp paviljongen til påske. Rundt om på bøen ligg det ein god del snø endå......men i morgon er det meldt regn og 13 plussgrader, so då blir det nok storsmelting..............kryssar fingrar for at det ikkje går utover veg og tun (igjen). Ha ei superfin helg alle!

Tre hanar og to hundar......

Siste dagane har det vore strikking og toving på programmet i ledige stunder...........synest desse påskehanane var so koselege. ........ I dag var det tid for fotografering ...........med Lussi og Tinka som litt motvillige modellar....... Den minste er strikka etter mønsteret...i Fritidsgarn. Seinare forstørra eg dei opp, og dei to andre er strikka i Iglo........frå Trysil garn . I dag skin sola......ein nydeleg dag...og eg har FRI!!!!!

Det går seg til........

Jaudå, vèret har roa seg..........og dei verste skadane på veg og tun er i ferd med å bli utbedra.........
Eg reknar med å kunne køyre bil heilt heim etter jobb i kveld.........
Men skadane på verkstaden til bonden tek det lenger tid å "fikse".....der må vegger rivast, våt isolasjon skiftast,golv takast opp osv.........med andre ord, masse arbeid.
Det er i slike tilfelle ein er glad for å ha forsikring, so det ikkje vert ei stor økonomisk belastning i tillegg.
Her sit "Lussi linselus"!

So til eit kjekt syoppdrag eg fekk........ei jente skulle på karneval på SFO, og trengde ei lita veske til småting, sminke og slikt ein treng å ha med.
Besta måtte sjølvsagt trø til, og dama bestemte sjølv kva stoff som skulle brukast...............veska skulle vere "gamaldags og heimelaga"...........nemleg....(ein bevisst 6-åring)!

Ryktet seier at den vart godtatt.......

Eit par timar til på jobb, so kan eg ta helg.......har kjøpt inn div. garn og mønster, skal riktig kose meg.........
Ha ei god helg, du òg!

Ei utriveleg natt........

So skjedde det igjen, nesten på dagen eit år sidan sist.......at naturkreftene "herja" med vegen vår., og no meir enn nokon gong tidligare. Ei elv hadde teke nytt løp, etter at store mengder is hadde tetta seg til under ei bru.
Kan ikkje sei anna enn at det føltest dramatisk å verta vekt av ein slik telefon klokka halv fire, men stor takk til naboen som varsla oss.

Her nede ved vatnet ligg haugar med stein og grus som høyrer til i vegen.......

Denne gongen fann elva veg bort til verkstaden til bonden, og vatnet stod ca 5 cm over alle golv, før han fekk leda det vekk......

....og etterlet seg eit lag med slam overalt, både ute og inne.....

Ein litt mindre bekk fann det for godt å ta turen rett nedover bakkane............vert nokon lass med sand å spa opp att her.

Her er elva som gjekk over sine bredder i natt..............huset til dotter og svigerson står nær elva, og me fann det tryggast å vekkja dei og jentene, som i full fart fekk husrom hjå andre i familien til det lysna av dag og det heile hadde roa seg.

Med god hjelp har me fått ut mykje av slammet på verkstaden, kontor og garderobe er vaska, og det heile set litt lysare ut.....men det vil nok ta ei tid før vegen er brukande att.

Til slutt: Me er sjølvsagt evig takknemlege for at det berre er materielle skader, sjølv om ein vert litt motlaus "der og då".

Krusunderlag.......

...eller kaffikopp- i dette tilfellet. Hadde sant å sei ikkje noko krus som passa (og det bør det gjere, eller)?
Iallfall har eg sydd ferdig desse to i dag, raskt og enkelt..........og kjekt.

Ein super måte å få brukt restestoff på.............
For ei stund sidan var eg so heldig å overta ein heil sekk med stoffrestar av ei dame som har sydd masse, men som no er pensjonist og ikkje ville ha det "i hus" lenger.
Flaks for meg............her har eg berre plukka or sekken.

Sommargeorginene spirer alt.........men når eg ser ut på all snøen, lurer eg på om eg har sådd for tidleg.........tida vil vise.

Ha ein fin onsdagskveld!
Eg skal på møte i 17-mainemda.......