Handletur og service.

Ein kjapp handletur til Åsane vart det i dag.... vil kalle det kjapp når eg var borte i 3,5 timar og det tek ca 1 time kvar veg å køyre....Ikkje slik å forstå at eg reiser kvar veke, men eg mangla litt til det store prosjektet eg driv med, og for at det ikkje skulle stoppe heilt opp, måtte eg berre skaffe meir "materialar". Og det går framover....ifylgje tidsplanen skal eg vere komen i hamn med det innan to veker. Det var ikkje stoff eg mangla (12 meter som eg kjøpte sist skal halde..)
Men å gå rundt på Stoff og Stil utan å la seg freiste er rett og slett komplett umogleg . Eit par meter med brune stoff og eit rustfarga mede søte grisar måtte eg berre ha........har ein plan med desse.....


Svippa sovidt innom Fretex òg...utan å finne noko i dag. Derimot var eg innom på ein anna butikk der i området og kjøpte garn. Ikkje til meg sjølv, men meir på oppdrag.
Heile 21 buntar kjøpte eg, og sidan alt garnet er -20% for tida, var eg særs nøgd med handelen........heilt til dama i kassen sa kva det kosta.......kjapp hovudregning, og eg skjønte at noko var feil. Då var eg komen nesten til utgangen, eg bråsnudde, fann ein stol og tok opp alle buntane for å telje ein gong til (- og sjekke kassalappen).


Konstaterte at eg hadde betalt for 10 buntar meir enn eg hadde i posen. Tilbake til kassen.....
Eg: Eh, lurer på om eg har betalt for mykje....
Dama:.....her er det feil.....116 kr tilbake...
Eg:(idet pengane ramla ned i skåla): Tusen takk!
Dama: Værsågod!
Poenget er ikkje at eg er so spesielt høfleg, men: Hadde det det ikkje vore på plass med ein bitteliten beklagelse. Sjølvsagt kan alle gjere feil (og gjer det)....men eg synest det er berre vanleg folkeskikk å beklage når ein har gjort feil.
Dette skjedde ein halv time etter butikken hadde opna, so det var ingen unnskyldning at ho var trøytt etter mange timar..............eller kanskje ho ikkje var komen skikkeleg i gang?
Dei som har slike yrke (+ andre òg) skal vere serviceminded......forventar me ikkje det?
Aldri so gale......osv.......so vart det noko å lage innlegg i om dag òg. Hurra!
Ha det so bra!

Pilflettingkurs....

...det var det, ja (som fleire skjønte..) Ei kjempekjekk helg...moro å lære noko nytt. Vel, kan vel ikkje akkurat sei at eg kan det, men som kjent:" Roma vart ikkje bygd på ein dag..."
Kan godt tenkje meg eit kurs til ganske snart, eg. Vert fort "hekta", voldsomt engasjert og plutseleg har eg ein ny hobby....


Litt frå prosessen....

Her kjem mursteinen til nytte (noko mindre enn den eg viste tidligare..)

Det ferdige resultatet....godt fornøge med denne trass i litt "skavankar". Plass til masse strikketøy her...

Tenkjer det vert jubel utanfor vindauga i morgon når fuglane får servert mat i denne.....

Desse to produkta vart ferdige...

Har lova ein premie til nokon som hadde kommentar til det forrige innlegget.....Børge har stått for trekkinga og vinnaren vart: Tofo !
Sender du adressa di på mail , kjem det ein ting til deg.

No skal eg lage pizza og so vert det nok tidleg kveld. Etter to dagar på kurs og jobb kvelden/natta imellom , kjenner eg at kreftene er "tømde og tappa" som Jakob Sande skriv i eit dikt.

Håpar alle har hatt ei god helg og er klar for ei ny veke!

KURS....(og ein liten konkurranse....).

Eg skal på kurs....trallala...... i morgon og sundag, og dette er reiskapane eg skal ha med......ei rose/hagesaks,kniv og ein (mur)stein (eller noko anna tungt). Men kva kurs? Hm.
Kva med ein liten konkurranse?
I ein konkurranse må det vere premie... Kan vel ikkje lokke med eit produkt frå kurset, det vert nok som" å selje skinnet før bjørnen er skoten". Men ein premie skal det bli til.......legg att ein kommentar so er du med........
..fram til sundag kveld, då håpar eg å ha eit el. fleire produkt å vise fram.

Måtte til å tenkje etter kor tid eg sist var på kurs innan hobby...og kom til at det var dreiekurs for halvanna år sidan.Ei heil veke på dagtid var det...Eg og fem mannfolk kom der dragsande med dreiebenkar 0g utstyr ( bonden stilte som vanleg opp med transport og berehjelp)......og med friskt mot iallfall til å begynne med.......sovidt eg hugsar hadde alle karane dreia før og gjekk laus på "vanskelege" ting, medan eg stod der med "prøvetingen" min i dagevis.
Hadde vel ikkje tenkt at eg skulle bli nokon "stordreiar", men håpte eg skulle bli i stand til å dreie små grautskåler til nissane mine, evt. enkle fat til å male på.
Det eg klarde å prestere den veka var denne vesle skåla (trur læraren gjorde det meste).

Nei, dreiing er ikkje noko for meg, dreiebenken er "skumlare" enn nokon gong der han står i snikkarbua.
Svigerfar var ein dyktig dreiar og eg maste på han at eg ville lære det, men det hadde han ikkje lyst til....."Er redd du skal ødelegge hendene dine", sa han. Han hadde nokon skader sjølv, so han visste kva han snakka om...

Tek til slutt med eit bilete frå den vakre solskinnsdagen me har hatt i dag.

Ha ei fortreffeleg helg i godveret!

Fort i svingane....

..det gjekk det i går, då eg tok utfordringane eg hadde fått. Bringa dei nemleg ikkje vidare, so det gjer eg hermed. (Sjå innlegget i går)
Utfordring 1 lydde soleis: vis bilete av ein favoritt-ting du har i heimen og skriv litt om den.
Denne gjev eg vidare til:

Alma Merethe

Stubbetufsa

Janne

Kate

Utfordring nr 2 :Gå til foto/mapper.Ta ut den 6. mappen og deretter det 6. bildet i denne mappen.Sett bildet på bloggen og skriv noe om dette bildet.Inviter nye til å bli med på denne utfordringen.Link til dem, og la dem vite at de er utfordret.
Denne går til:
Mor Kari

Strikkemor(o)

Rosa Univers

Nunne

Vinter på stølen.....

Utfordringane strøymer på..

Utfordring nr 1: Denne fekk eg frå Nikoline og den gjeld å vise ein favoritt-ting frå heimen.

Ser på andre bloggar at det ofte er ting ein fått i arv som er favorittar. Det same gjeld nok her hjå meg...har mange ting er glad i og denne kista er ein av dei.

Arva den etter mor mi som gjekk bort for 6 år sidan. Ho var fødd i 1917 og årstalet på kista er 1925, also fekk ho den når ho var 8 år gammal. Har lurt på kvifor nett då, men det vart aldri at eg spurde om det. Me er seks sysken, og reine flaksen gjorde at det vart eg som fekk den.

Utfordring nr 2: Her skal ein finne bilete nr6 i mappe nr 6 og fortelje litt om det. Denne fekk eg frå Gamleheksa...

Mitt bidrag her vert dette bilete av røykjehuset på garden. I tidligarte tider vart det òg brukt som smie...

Ei ny utmerking har eg òg fått, frå Monica S Tusen takk for den!

Har fått den før, men vert like glad kvar gong eg får ei utmerking.

Det var visst alt for i dag, ha ein god tysdag kveld!

Ein innhaldsrik sundag

I dag var det vår kyrkjelyd sin tur til å helse på den nye prosten i Hardanger og Voss prosti, som det heiter. Kyrkja slik ho er idag, var ferdig bygd i 1851, men her har vore kyrkje langt tilbake......iallfall til 1300- talet.

(Dette sumarsbiletet av kyrkja er S. Ulvund sitt, Voss now)
Vegen du ser bakom kyrkja er E16...

Prosten med frue vert ynskt velkomen av leiaren i soknerådet.

Etter gudstenesta var det tid for kyrkjekaffi og ein prat.

Oda forsyner seg med lappe og syltetøy

Medan me var i kyrkja hadde sola vore på besøk, for fyrste gong i stova i år.........rakk nett å ta eit bilde før ho var borte igjen.

Etter sundagsmiddag og ein liten kvil var det klart for neste post på programmet:

Konsert til inntekt for Frelssarmèen. Her stiller alle opp gratis, frå utøvarar til lyd/lysfolk.
Eit flott tiltak.....masse flott musikk. .....som varde i 3 timar!

Vart so elendig kvalitet på bileta at eg skal spare dykk.....ikkje so lett med mitt vesle kamera, nokon rader bak i salen..... men nokon må eg ta med, som dette av jazzgruppa Smiletones, der yngste son står med trompeten i handa.

Kvart år har konserten ein "hemmeleg" gjest, og kven andre enn denne dama dukka opp på scena :Ingvild Bryn, kjend frå Dagsrevyen. Ho gjesta heimbygda og kunne både prate, spele og synge....

Anne Grethe i Frelsesarmèen har motteke sjekken på over 100 000 kr som nok kjem vel med i deira arbeid for dei som treng det mest.

Slik vart denne sundagen, ein god dag.

Ha ei god veke, og hjartans takk til alle som er innom og legg att ein kommentar, de gjer blogginga til ei stor glede!

Fridag og bytur

I dag har eg hatt min fyrste fridag på lange tider. Har ei stund planlagt ein tur til Stoff og Stil, har nemleg eit STORT prosjekt på gang og det "starta" nettopp her. Fann det stoffet eg hadde tenkt meg, og då var det ikkje snakk om å kjøpe ein liten "slant". Nei, kjøpte like godt heile rullen......"Torer" ikkje blogge om dette endå, ville bli fy so pinleg hvis eg ikkje får det til slik eg har tenkt. Foresten, der var masse stoff på salg......men eg var standhaftig og kjøpte (nesten) berre det eg hadde planlagt.

Etter besøket i Åsane køyrde eg tilbake til Arna og tok toget inn til by'n......ikkje noko bykøyring på denne damo, nei. Trur foresten ein kan ha problem i by'n nokon kvar no........med all gravinga som føregår. Skal bli bybane må vete.

Etter kaffipause på bystasjonen var Panduro neste mål......har sett at den nye Tildaboka er komen i butikkane og denne berre måtte eg ha.

Kjempefin bok..

Kva med engleku.....

Syns desse endene er nydelege, no er berre å rote i stoffrestane for å finne noko som passar.

Eit lite hefte med vårinspirasjon er kjekt å ha....

På veg tilbake til stasjonen oppdaga eg denne.....ein butikk med berre bakeutstyr, kan sjølvsagt ha eksistert lenge , den, om ikkje eg har oppdaga det.

Kurs i marsipanblomar og -blad. Det kunne eg ha trengt.......
Dette fine hjartet fekk av Oda(barnebarn) då eg var innom i ettermiddag. Ho hadde feber og var heime frå barnehagen i dag. Slike presangar set Besta pris på...

Ein god fridag, eg har kosa meg!

No får eg vel ta fram saksa og stoffrullen, eg er i gang....

Nett no spelar handballgutane VM-kamp mot Danmark, men dei kjem nok til for kort der, desverre.

Uansett, ha ei fin helg alle......og nyt vinteren!