Ein praktisk ting til syrommet.

 Nytt produkt ferdig på syrommet: Kan vel kalle detta ein syboks,eller kanskje heller "syspann".
 Inni er det nemleg eit toliters plastspann......fungerar fint, det.

 Lommar både inni og utanpå.......

 Idèen fann eg hjå Britt's hobbygleder..........

I dag er det mest avslapping og Tv.........må få med litt frå Nm på ski på Voss. Skulle sjølvsagt vore på arenaen og kjent på  stemninga, men i kveld er det Nm-dans i idrettshallen, og eg ser føre meg ei lang natt på jobb.  "Ladar" difor opp heime.
God sundag i vente!

Tennbrikettboks i ny drakt.

Endeleg fekk eg somla meg til å sy litt igjen.
Her er resultatet av ein føremiddag på syrommet,.....ja, for no har eg rigga meg til med syrom i kjellaren. Har eit arbeids/hobbyrom oppe frå før......og i tillegg lager nede.
Som eg har sagt før:Er særdeles glad for at bonden er ein snill og tolmodig mann, som let meg drive på å  "rote"  overalt (nesten).

I dag vart det dette "trekket" til tennbrikettboksen.......som hjå meg er fyllt med konglar, never osv til opptenning.Praktisk er den........og i utgangspunktet ikkje spesielt fin. Bileta har eg funne på nettet, og skrive ut på dei supre arka frå Panduro.

Fort gjort....og kjekt med  litt "sy-tid".

Torsdag allereie........god helg,du!

Fine pusar!

Tjuandedag jol i dag, og sjølv hjå meg vart pynten pakka ned i dag. Treet får  lov å stå til i morgon.....tida vart for knapp før jobb.
 Eg likar foresten januar godt, då kan eg få sett ut i livet nokon av dei prosjekta som har kverna rundt i hovudet i det siste.
Det aller fyrste er eit syprosjekt med desse fine kattane som eg har samla på ei stund.

Men før eg set meg til symaskina skal eg brodere litt....det skal òg vere med her.

Til slutt eit lite ordtak eg fann:

God helg til alle!

NM-huer.

Siste veka av januar skal det vere "Nm på ski" på Voss (langrenn,hopp og kombinert).
Då må sjølvsagt utstyret vere i orden....og her er mitt vesle bidrag.
 Rundt om på skulane har elevane strikka huer til "den store gullmedalje"......sikkert mange som har lært strikkekunsten denne vinteren....... flott!

For dei yngste er det sjølvsagt ikkje SO enkelt, og dei fekk mønsteret med heim. Eg var kjapp å føreslå at eg kunne strikke eit par stk....koseleg og raskt "arbeid".

Nissemor og -far (som framleis sit ute) vart modellar i dag.

Ha ei god helg alle!

Fann da på Brukt'n.....

 ...eit påbegynt brodert bilde......

 Mønsteret er med........

 Stoffet trur eg er lin.....og det er stort: 60x80 cm.

 Eg kjøpte det pga all den fine broderitråden som var med i pakken....mange fine fargar.

 Men stoffet vert lagt i skapet, og der vert det nok liggande. Skulle det vere nokon der ute som er glad i å brodere korssting kan du gjerne få det. Skriv ein kommentar evt mail, so sender eg.......skal i tilfelle ikkje  kosta deg noko meir  enn porto + konvolutt :)
(Fyrst til mølla her)

Ha det so bra!
No er det strikketøy,kaffi  og handball på tv, har frikvelden min må vete!

Takk for i år..!

Berre timar  att av gamleåret, pinnekjøtet står på kok.......og bordet er dekka.
Nyttårsaftan, ein dag til  ettertanke......over eit år med mest gleder, men òg sorg.........slik det vel er for dei fleste.

Takk for dette året alle gode bloggvener,takk for alle kjekke kommentarar  og all inspirasjon. 
Kjekt med alle stikk innom, sjølv om eg ikkje veit kven du er.......(ser det på teljaren)
Ang. blogginga har det vore ein heller laber haust, langt mellom innlegga osv.
Men eg vil ikkje gje meg, håpar på ny inspirasjon i det nye året!                      Godt nytt år til alle!

Romjol-strikk.

                                   God romjol, folkens!
Håpar de har det bra....og at Dagmar ikkje har gjort skade på hus og heim. Me var straumlause i eit halvt døgn, men ellers har det gått bra. Det voldsomme regnet i går ødela  tunet og vegen vår, men det meir so vanleg her.
Før jol fekk eg eit kjekt strikkeoppdrag........Englevottar.
Dei er designa av Jorid Linvik, og mønsteret er kjøpt i mønsterbutikken hennar.....der er masse fint.

                       Veldig kjekt å strikke noko anna enn nissehuer no!

 

                               Ha det so bra!