Einslege sokkar og tova tøflar.

Kva gjer ein når ein har absolutt ingen ting å blogge om? Er ein so fornuftig at ein rett og slett tek ein pause, eller finn ein på eit eller anna visvas.
I dag vert det det siste.....tema er sokkar.......som ikkje klarar å halde i hop.

Kan umogleg vere berre her i huset dette problemet er til stades.

Er vel ikkje for ingenting at Salhusvinskvetten syng om 24 sokkar som ikkje er par.
Praksisen her i huset er at dei "einslege" vert samla i ei korg og med jamne ( eller mest ujamne) mellomrom skrir eg til verket og "parar" dei ihop att. Vanlegvis bånn kjedeleg.
I føremiddag var det ei slik stund, men i dag tok eg med korga på arbeidsrommet og med lydbok og kaffi vart det mest ei hyggjestund.

Mange par vart det, og tenkjer karane mine skal bli opp i undring over kor mange sokkepar dei har fått i skapet.


Bonden har foresten begynt å setje sikkerhetsnål i kvart par før han hiver dei i vask, og det funkar, det.....so sant ikkje nåla dett av under vaskeprosessen.
Sidan tema i dag er sokkar kan eg fortelje at eg no er ferdig med to og godt i gang med par nr tre av strikka sokkar til Børge

Ikkje nok med det, på mi jakt etter meir sokkegarn i går....kom eg over to par tøfler, ferdig strikka og klar til toving....so flaks! Trådane vart festa og i maskina bar det.....og vips to par klare til bruk.

No skal ikkje guten min fryse meir på føtene og samvittigheita mi er rein som snø.